§ 1 OMFANG
1.1 Reglementet gjeld alle kommunale arbeidstakarar som er omfatta av Hovudtariffavtalen § 1.1.
1.2 Reglane i reglementet gjeld ikkje når dei strir mot lov, tariffavtalar eller andre vedtekter som er bindande for kommunen.
§ 2 TENESTEJUBILEUM
Arbeidstakarar som har vore i teneste for Nissedal kommune i 25 år, får velje mellom eit jubileumsur med personleg inskripsjon eller eit gåvekort med verdi på kr 7.000 jf. Skattelova.
Foreldrepermisjonar vert rekna med i tenestetida. Det same vert utdanningspermisjon og permisjonar for å vere politikar og tillitsvald i Nissedal kommune. Andre permisjonar vert ikkje rekna med i tenestetida. Dersom den tilsette har vore lærling i Nissedal kommune, skal verdiskapingstida av læretida(1 år) bli rekna med i tenestetida.
Enkelte tilknytingar til Nissedal kommune vil ikkje bli rekna med som tenestetid. Dette gjeld t.d. avtalar som tilkallingsvikar og støttekontakt og praksisperiodar i samband med utdanning.
§ 3 RUNDE FØDSELSDAGAR
Arbeidstakarar som fyller 50 eller 60 år, får ei gåve av verdi inntil kr 600.
§ 4 AVSLUTNING AV ARBEIDSFORHOLD
4.1 Arbeidstakarar som går av med pensjon eller sluttar av annan grunn etter mellom 2 og 10 år i Nissedal kommune si teneste, får ei gåve av verdi inntil kr 1.200.
4.2 Arbeidstakarar som går av med pensjon eller sluttar av annan grunn etter minst 10 i Nissedal kommune si teneste får ei gåve av verdi inntil kr 3.500.
§ 5 DØDSFALL
Når ein tilsett døyr, vert det lagt krans på båra til avdøde.
§ 6 RULLERING AV REGLEMENTET
Reglementet vert lagt fram for ADMU for rullering ved behov og minst ein gong kvar kommunestyreperiode. AMU har rett til å uttale seg i samband med rulleringa.